Марий-влак Товло кечым палемдат

Марий-влак Товло кечым вӱдшор тылзын 5-ше кечынже палемдат.

«Йӧратымаш але тошто марла — товло, тӱрлӧ сынан… Пӧръеҥ ден ӱдырамаш коклаште нине кум куат иканаште улыт гын, тиде чын йӧратымаш — товло», — палемда мурызо, артист, режиссер Василий Пектеев.

Ушештарена, 2011 ийыште Марий Эл Радио эфирыштыже темлымашым луктын: марий-влаклан шке йӧратымаш кечым эртараш. Радиом колыштшо-влак коклаште йодыштмаш эртаралтын, кузе тиде пайремым лӱмдаш. «Йӧратымаш кече» лӱм 14 февраль дене кылдалтын, «Марий йӧратымаш кече» — шотлан ок тол.

Шочмо калыкнан йӧратымаш нерген эн мотор историйлан «Салика» произведений шотлалтеш.

Ушештарена, икымше гана «Салика» спектакль 1938 ийыште вӱдшор тылзын 5-ше кечынже сценыште шындалтын.

Кидшер
Шонымашым ешараш