Марий Эл Республикыш толаш шонышо але толшо турист-влаклан у портал шке пашажым тӱҥалын. Сайтыште республикыште кушко миен-толаш, жаплан шогалаш, каналташ уверым муаш лиеш.  Лишыл жапште www.visit-mariel.ru порталыште кочмо верла да турмашрут нерген уверым ешарат.

Сайтым марий бренд ден орнамент почеш сӧрастарыме. Портал российысе да йотэлысе турист-влаклан келыштаралтын, сандене руш да йот йылме дене чоҥалтын.

«Лышл жапыште сайтын чыла ужашыже оҥай материал дене пойдаралтыт, дизайн эшеат оҥайрак лиеш, турист-влак порталым куштылгыракын да тӱрлӧ йӧн дене кучылтын кертыт», — возым Марий Эл Республикын Самырык политике, спорт да туризм министерствын увертарымашыштыже.

Сайт полшымо дене турист-влак Марий Элысе, оҥай вер-шӧр, тоштер, экскурсий нерген уверым муын кертыт. Лишыл жапыште порталын темлыше системыже турист-влакын шонымышт почеш тӱрлӧ вер ден услугым темлаш тӱҥалеш.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.