Йӱлашке пурышо «Мый марла ойлем!» акций Йошкар-Оласе Чарла кремыльыште вӱдшор тылзын 26-шо кечынже эрташ тӱҥалеш.

Мероприятийым сылнымут флешмоб дене почыт. Акцийыш тунемше, самырык еҥ, писатель, поэт-влак ушнат. Марафон Я. Майорова-Шкетана лӱмеш чапкӱ воктене тӱҥалеш, да советского киноактер да сылнымутчо Йыван Кырла чапкӱ дене мучашлалтеш. Мероприятий 13 шагатлан тӱҥалеш.

Тидын годымак, студент-влак коклаште «Мый марий йылмым палем» модыш-викторине эрта. Мероприятия 14 шагатлан Чарла Кремыльыште почылтеш. Тидын годымак тыште 15 шагатлан марий эстрадын шӱдыржӧ да фольклор ансамбль-влак дене концерт эрта. Акций марий драматург Зинаида Долгован возымо «Немыч вате» спектакльже дене мучашлалтеш.

Мероприятий жапыште организатор-влак «Мый марла ойлем» значок ден «Марий йылме дене кутырыктыш» буклетым шаркалат.

Ушештарена, «Мый марла ойлем!» акций луымшо ий почела эртаралтеш. Тений акцийым Республикысе марий тӱвыра рӱдер эртара. Тиде шкешотан мероприятийлан негызым В. Колумб лӱмеш рӱдер-тоштер пеленысе «ВийАр» самырык-влаклан ушем пыштен.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.