Марий Элыште тений 1 300 утла гектарыштыже у пушеҥгым шындыман

1 300 утла гектарыштыже у пушеҥгым шындыман. 1 200 гектарыштыже шошымак вераҥдыман.

Марий Элысе пӱртӱс поянлык министерствыште эртыше совещанийыште министерствын специалистше, тӧнежлам вуйлатыше да чодыра участкым арендыш налше-влак тений шошым ыштышаш пашалан ямдылалтме да эртарен колтымо нерген ойленыт.

Тушто ончыктымо: тений 2 тӱжемат 900 утла гектарыште чодырам куштымо пашам шуктыман. Тушечын 1 300 утла гектарыштыже у пушеҥгым шындыман. 1 200 гектарыштыже шошымак вераҥдыман. 80% пӱнчӧ, 15-ше кож, 5-ше куэ лийшаш. Тиддеч посна 10 гектарыште лыстан кож ден тумым шындаш палемдыме. Шындышаш озым 8 миллион утла да 2 тонн кычке уло.

Кидшер
Шонымашым ешараш