«Самырык-влакын кадр резервыштым» Марий Элыште чумырат

Республикысе самырык-влак политике, спорт да туризм министерстве «Марий Элысе самырык-влакын кадр резервышт» конкурсыш ушнаш йодмашым налме жапым вӱдшор тылзын 22-шо кечыже марте шуен.

Конкурс сай квалификациян кадр резервым ышташ, сай ончыкылыкан, вуйлатен кертше самырык еҥ-влакым муаш, шуараш да полшаш манын эрта. Тушко кӱшыл школлан 4-ше, 5-ше курслаштыже тунемше да 18 гыч 30 ияш марте самырык специалист-влак пурталтыт. Талантан самырык еҥ- влакын реестрыштым ышташ да тудын дене кугыжаныш кучем, верысе самоуправлений, предприятий ден органзиаций-влаклан пайдаланаш йӧным ышташ палемдыме.

Йодмашым Самырык-влакын полатыштышт, Йошкар-Ола, Ужар урем 1-ше пӧрт адрес дене налыт.

Кидшер
Шонымашым ешараш