Светлана Вассанова доно пуры вӓшлимӓш

3
453

Тагачы Салымсолаштышы Н. Игнатьев лӹмӓн краеведческий музейӹштӹ лыдышвлӓм сирӹшӹ Светлана Вассанова доно пуры вӓшлимӓш эртӹш. Музейӹн пӓшӓзӹвлӓ пиш яжо сценарим сирен йӓмдӹленӹт.
Мероприятиш тыменьшӹвлӓ, тымдышывлӓ, сола халык, икманаш, цилӓн, кӱ Светлана Вассанован творчествыжым ярата дӓ шотеш пиштӓ, толыныт. Тенгеок мӓ докына Йошкар-Ола гӹц лӹмӹн поэт Валентин Афанасьев (Ондрин Валька) толын. Светлана Вассанован лыдышвлӓжӹ цилӓлӓн келшӓт. Тӹдӹ изивлӓлӓнӓт, когорак иӓшӓнлӓнӓт лыдышвлӓм мастарын ӹшке семӹньжӹ сӓрен сирӓ. Шукы йӓнг тӓрвӓтӹшӹ, ӹлӹмашӹн цилӓ монгыржым пачын пушы лыдышым колыштна.  А Усола школын тыменьшӹвлӓ сирӹзӹн лыдышвлӓ семӹнь изи сценкывлӓм мастарын мадын анжыктевӹ. Вет Светлана Андриановна ӹшкежӓт сылен нӓлмӹ кӓнӹмӓшӹш кемешкӹжӹ, ти школышты мары йӹлмӹм дӓ литературым тымден. Тенгеок "Патькалтыш" литературный кружокым виден. Тетявлӓм лыдышвлӓм сирӓш тымден. Нӹнӹжӹ сакой конкурсвлӓштӹ ик гӓнӓ веле агыл сӹнгӹшеш лӓктӹнӹт.
Вӓшлимӓш пиш пурын дӓ тырын эртӹш. Цилӓнӓт Светлана Андриановналан пакылажат сирен шалгашыжы Йымы палшыжы, творческий шӱлӹшӹжӹ пакыла виӓнгжӹ манын согоньлен кодевӹ.
SDC14811

Елена Кашутина,
Н.Игнатьев лӹмӓн краеведческий музей Салымсола

Если вы нашли ошибку, пожалуйста, выделите фрагмент текста и нажмите Ctrl+Enter.

3 КОММЕНТАРИИ

  1. Ти кечӹ пӹлӓн ыльы гӹнят, вуйта кечӹ анжал колтыш, вет тенешӹ и- сӹлнӹшая и,кырык марывлӓ лошты пиш шукы талантан эдем улы. Ӹжӓл, техень мероприятивлӓ ӹнде чӹдӹрӓк эртӓрӓлтӹт. Газетӹштӹ, журналышты кӱн-гӹнят пӓшӓвлӓм ужын, цилӓжок ынгылаш ак ли, а вот тенге лишнӹ, икӓнӓ-иктӹ лошты хытырен,поэтессӹн шӱлӹшӹжӹм,пӓлӹмӓшӹжӹм-мыштымашыжым, дӓ йӓнгжӹ кыце шиэш, утларак пӓлен нӓлӓш лиэш. Светлана Вассанова ӹшке лыдышвлӓштӹжӹ ӹдрӓмӓшӹн пуйырымашышжым, тӹдӹн ойхы-сусужым, тетявлӓм тымдымы шытыржым анжыкта. Сирӹмӹжӹ философи, психологи, педагогика пӓлӹмӓшвлӓмӓт тергӓ дӓ тӹдӹ тӹ тергӹмӹм шокта, дӓ мары йӹлмӹм пиш ирен кычылтеш. Светланам писательвлӓн ушем рӓдӹшкат пырташ лиэш.

  2. Пуры ирок.

    Светлана, пуры ли, иктӓ-маняр у лыдышетӹм «Кидшерӹш» сӓкӓлтет гӹнь, лыдшывлӓ пиш сусу лит ыльы.

    Тау

  3. Светлана верц сусу ылам. Тек пакылаат сылны лыдышвла тыдын шачыт, у сынгымашвлам согоньлемю

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.