Ирина Юшкина гран-прим налӹн

1
250

Мары Элышты 19 - 21 ноябрьын «Ши памаш» IV–шы Межрегиональный фестиваль-конкурс эртен. Тӹштӹ финн-угр халыквлӓн эстрадный мырывлӓм сӓмӹрӹк мырызывлӓ йонгалтаренӹт. Нӹнӹ лошты Роман Мусагитов, Анастасия Ахмадуллина, Анастасия Иванова, Вера Кондратьева, Сергей Пакеев, Мария Остапенко, Валентина Петрова, Полина Савельева, Аэлита-Алевтина Михайлова, Марина Кузнецова, Людмила Федорова, Станислав Устюгов, Наталия Глазырина, Аделина Батаева, Алена Яковлева, Алиса Халтурина, Ирина Юшкина, Илья Якимов, Арина-Марина Воронцова, Виктория Швалева, Лада Петухова, Катерина Кензяли, Руслан Шум линыт. Эчежы «Юлас», «Локама», «Сескем», «Май» ансамбльвла да Владимир Саракеев дон Татьяна Жижченкон дуэт мыштымашыштым анжыктенӹт. 
Конкурсышты сӹнгӹшӹвлӓ лошты мары мӱлӓндӹ гӹцӹнӓт да толшы хынавлаӓт линӹт.
Сек яжо мырызы семӹнь Кырык мары район гӹц толшы Ирина Юшкина гран-прим сӹнген нӓлӹн. Жюрин членвлӓжӹ тӹдӹн юкшым, сцена вӹлнӹ мырын сыржым анжыктен мыштымашым, фонограмма семӹнь викӹм пачмашым кӱкшӹн ӓкленӹт. Ирина ти конкурсышты пӹтӓриш гӓнӓ агыл участвуен. И гӹц ишкӹ мастарлыкшым куштен шалген, вес конкурсвлӓштӓт кӱкшӹ вӓрвлӓштӹ лин. «Ши памаш» конкурсышты тӹдӹ ӹшке ӓтяжӹн, Владимир Юшкинын, сирӹмӹ «Кӹчӓлӓм тӹньӹм» мырым йонгалтарен.

Ший памаш 2015 444

Ший памаш 2015 450

Т.В. Петрова 

Если вы нашли ошибку, пожалуйста, выделите фрагмент текста и нажмите Ctrl+Enter.

1 КОММЕНТАРИЙ

  1. Пуры вады!

    Пиш яжо! Иринам кымылангдем! Да, седӹ, «Ши памашын» цилӓ мырызыжым.

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.