«Сек тотлы кравец» (рецепт)

3
468

Шергӓкӓн тӓнгвлӓ, конкурсна пакыла эртӓрӓлтеш. Тагачы ӹшке рецептшӹ гишӓн мӓлӓннӓ Игнатьев лӹмӓн Краеведческий музейын директоржы Елена Геннадьевна Кашутина шайыштеш: - Кыравец - кырык марынвлӓн сек яратымы да шотеш пиштӹмӹ качкыш. Кыравецӹм сек кого айовлӓэш тышкенӹт. Шӹжӹм - кек (комбы, лыды) пай гӹцӹн, шартялеш - сасна пай гӹцӹн кыравецӹм стӧл вӹк лыктыныт. Мӹньӹн кыравецемӹн рецептшӹ техеньӹ: Анзыц ширӹ комым йӓмдӹленӓ. Ливӹ вӹдеш лашашым лыгенӓ, ӱтӹнӱм, санзалым тот семеш, содым изиш пиштенӓ.  Тидӹм цилӓ нӱштӹл шӹнденӓ. Кок лаштыкеш пайыленӓ. Иктӹжӹм когоракым, весӹжӹм изирӓкӹм. Когорак нӱнжӹкшӹм ӱтӹнӱ доно шӹрен шӹндӹмӹ селмӓш пиштенӓ, шӓдӓнгӹ шӹрӓшӹм шӓвен шӹнденӓ, вӹкӹжӹ пай лаштыквлӓм дӓ санзалым шӓвӓлтенӓ. Пай вӹлӓн пӹчкеден шӹндӹмӹ шукы охырам пиштенӓ. Вара кодшы нӱнжӹк доно леведӹнӓ. Яжо тӹрлец доно цеверемденӓ. Тидӹн паштек шокшы камакаш кыдалтенӓ. Со анжал миэнӓ. Вӹлвӓлжӹ изиш цӹре шомыкы, камака гӹц лыктын, шӹратӹмӹ ӱ доно шӹрен шӹнденӓ дӓ кавшта пӹлӹш доно яжон левед шӹнденӓ. Тенгеок плошка доно леведӹнӓ. Тел гӹньӹ, кыравецнӓ выжгата, пышкыды лижӹ манын, кыравец пындашкы ире лымым пиштенӓ.Тенгелӓн кыравецнӓ камакашты вады якте шӹнзӓ. Хынавлӓ толмыкы, камака гӹцӹн парланышы кыравецнӓм стӧл вӹкӹ лыктын хыналыктенӓ. Тотлын качда!

Если вы нашли ошибку, пожалуйста, выделите фрагмент текста и нажмите Ctrl+Enter.

3 КОММЕНТАРИИ

  1. Пуры вады.

    Яжо рецепт, ингридиентвлäн шотышты махань? Духовкышты маняр минут шӹнзӹктӹмӹлӓ? Махань градус лишӓлык.
    Шӹвӹльвӹдӓт толын колта, тотештмӹ шон колтыш.

    Телӹм кырык марынвлӓ тенгеок коштымы ромы олма дон шаршы кагылльым ӹштӓт. Кӱн яжо рецептшӹ улы?

    А кӱлӓн келеш, мӹнь пиш-оо-к тотлы форель коллем рецептем пуэн кердӓм.

  2. Пуры лижӹ!Кыравецӹн ингредиентвлäм цилä ӹшке семӹнем сӹнзä анжалтыш дä ышма тот доно нäлäм.Камакашты кӱэштäм.

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.