«Мӹнь угӹц тишкӹ толынам…»

3
261

17 февральын Картук культура томашты, Н. Игнатьев лӹмӓн пӓшӓзывлӓ Мары Эл Республикӹн халык поэтшӹ, Кыльыкал солан патыр эргӹжӹ Геннадий Иванович Матюковскийӹн шачмыжылан 90 и шомы лӹмеш «Мӹнь угӹц тишкӹ толынам…» литературно-музыкальный вадым эртаревӹ. Вӓшлимӓшеш йӓмдӹлӓлтмӓш анзыцынок тынгӓлӓлтын. Школвлӓш информациӓн сирмашвлӓм колтеннӓ, кышты поэтын творчествыжы семӹнь иктӓ лыдышым ӓль инсценировкым йӓмдӹлен толаш ядынна. Тенгеок мырызывлӓ доно пӓшӓ ыштӓлтӹн, Вет Г. Матюковскийӹн сирӹмӹ лыдышеш шукы мыры шачын. «Мӹнь угӹц тишкӹ толынам», «Малан тенге йӓнгем йыла», «Носовикет», «Ак кел тӓнгем, ак кел сылыкланаш», «Анжал, ӹдӹр тӓнгем» да молат халыкын яратымы мырыш сӓрнӓлтӹнӹт. Мырызывлӓ З. Игнатьева, З. Смирнова, Эмӓн солан «Нӹжга сем», Сарапайын «Шанавӹл», Картук культура томан «Пуры цӓш» мырышы ансамбльвлӓ мырывлӓм йогалтаревы.  Музейӹн фондышты перегӓлтшӹ Г. Матюковскийӹн фотографивлӓм, рукописьвлӓжӹм, хӓдӹрвлӓм «Мӓмнӓн тӓнгнӓ гишӓн шамак» выставкышкы цымырымы дӓ халыклан анжыктымы. Тыменьшӹвлӓлӓн лыдышвлӓштӹ гач Г. Матюковскийӹн творчествыжым цила монгыржым пачын пуашышты йӧн ли. Йошкар - Ола гӹц В. Васильев лӹмӓн йӹлмӹм, литературым да историм шӹмлӹшӹ институтын литература отделым вуйлатышы, филологи наукывлӓн кандидат Н.А. Федосеева лӹмӹн мӓ докына толын. Лӹмлӹ поэтӹн культурым да литературым виӓнгдӹмӓшкӹ шукы вим пиштӹмӹжӹ гишӓн шайышты. Район администрацин вуйлатышым вашталтышы Е.В. Смелов пуры шаявлӓм айом йӓмдӹлӹшӹ да эртӓрӹшӹвлӓ – музей пӓшӓзӹвлӓм мактыш, Тенгеок образовани, культура отделышты пӓшӓлӹшӹвлӓ ӹшке шанымашвлӓштӹм келесевӹ.
Вӓшлимӓш пиш пурын эртыш. Картук вел халык культура томаш шукын постарненӹт дӓ когоэшнен ӹшке вел талантан эдемӹштӹ гишӓн колыштыныт, кид лапаштымат шиӓш ӹш жӓлӓеп.

Геннадий Матюковскийлан (2)

Е. Кашутина,
Н. Игнатьев лӹман краеведческий музей вуйлатышы

Если вы нашли ошибку, пожалуйста, выделите фрагмент текста и нажмите Ctrl+Enter.

3 КОММЕНТАРИИ

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.