2016-шы иэш гороскоп

0
327

2016-шы ин хозажы Якшар обезьяны. Тӹдӹ ышан, веселӓ, лӱддӹмӹ, кынамжы шаналтышы, кынамжы ружгышы ылеш. Пӓшӓштӹ тӹдӹ гань виӓн иктӓт уке, яратымашыш вуй гач кеӓ. Патыр дӓ йой ылмыжы хоть-махань эксӹк гӹцӓт ытарат.

Шарык: Пӓшӓ, пӓшӓ, пӓшӓ. Тӹдӹ ашна, но кынам йӹрдӓ большы нимат ада уж, тиды уже - ДИАГНОЗ. Шарыквлӓлӓн яратымаш гишӓнӓт шаналташ мондаш ак кел. А то цӓшдӓм-пелашдӓм кычен ада шокты. Кӓнӹдӓ, веселӓйӹдӓ, свет йӹр каштын толда, ӹлӹмӓшдӓм турна тӓгӓ ганьым агыг, карнавал ганьым ӹштӹдӓ.

Презӹ: Кӱм-кӱм, а презӹвлӓм обезьяны сек когон ярата. И мычкы тӓмдӓн ӹлӹмашӹштӹдӓ шукы сусуэмдӹшӹ жепвлӓ лит: приключенийвлӓ, цӱдӓ костенецвлӓ, оксадаат тӓмдӓн шу-у-у-укы лиэш. А яратымаш - ямакыштыш гань. Но цила тидӹ гишӓн манеш-манешӹм веле колтен идӓ кашт.

Йӹгӹрвлӓ: А тӓ, йӹгӹрвлӓ, ӹшке цӓшдӓм жепӹштӹ кычен шоктыда. Тӹдӹжӹ махань ылеш, кынам лиэш, тӓ веле пӓледӓ. Тидӹжӹм, седӹ, тӹшлӓш, пумагаэш сирӓш моло ак кел. Лач пӹсӹрӓк, йойрак дӓ ӹнян лимӹлӓ. Тенге пӓшӓштӓт кукшӹцӹшкӹ шода.

Рӓк: Шеклӓнӹшӹ, переген мыштышы, кынамжы кукыррак рӓк ма лиӓлтмӹм, кышкы йыжнен толмым сусун иктешлӓш тӹнгӓлеш. Тӓмдӓн ӹлӹмӓшдӓ - праздник. Техень кечӹвлӓн пӓшӓ гишӓн веле идӓ монды, а то трӱкӹштӹ тӓ пыдыргыш тӓгӓнӓ сага киэн кодыда.

Лев: 2016 ин Леввлӓ ӹшкӹмӹштӹм, лачокок, кугижӓ ылмыла шижӹт. Якшар обезьяны тӓмдӓм утыдон сусуэмдӓ: пӹтӓриок, пайда ситӓлык лиэш, вара – яратымаш, кымшеш – карьеры, лӹмнер. Тенге вуйдам веле идӓ ямды, анжалда: кӱ сагада, дӓ кӱ тӓмдӓн тӓнгдӓ ылеш.

Ӹдӹр: Кыце ӹшкӹмдӓм видедӓ, кыце анжыктедӓ, техеньӹ лиэш тӓмдӓн ӹлӹмӓшдӓ. Вот ма тӓлӓндӓ келеш? Окса? Папа Карло гань пӓшӓлӹдӓ. Яратымаш? Тӹнӓм шӹлӹн идӓ кашт. Карьеры? Аль тӓӓт пальмывлӓм ужнедӓ? – Пожалуйста, стартуйыда и анзыкы!!! Толькы тӹнгӓлдӓ кӹзӹток, а то амален кодыда.

Висӓ: Висӓвлӓ, тӓмдӓн кӹзӹт нимат ӹштӹмӹдӓ ак шо гӹньӹ, ви чӹдӹ, кид-ял нелӹ, йӹлерӓк палшыклан кедӓ. Врач-терапевт докы агыл, а 2016 ин хоза Якшар Обезьян док. Тӹдӹ тӓлӓндӓ лачокок палша. Манеш-манеш доно, келеш-ак кел шанымашвлӓ доно агыл, а тӧр корны доно, цаткыды ви доно, шотан пӓшӓ доно. Уке гӹнь тӓлӓндӓ лачокок вургымла сӹнзӓэшдӓ фонарикӹм шӹндӓт. «Шӹм гӓнӓ висӹ – ик гӓнӓ пӹч» халык шая тӓлӓндӓ палшыкым пуа.

Скорпион: Тӓлӓндӓ сек паян дӓ сек тура эдемвлӓӓт завидуяш тӹнгӓлӹт. Лачокок, 2016 ин тӓ кырыкымат сӓрӓл шуэн кердӹдӓ. Но, седӹ, тидӹм ӹштӓш керӓлжӓт агыл, но тӓ шотан пӓшӓм дӓ кого оксаан зарплатым нӓлӹдӓ. Окса лоэш шергӓкӓн дӓ ӹнян тӓнгвлӓдӓм веле идӓ монды. Адат цаклы, декабрь тӹлзӓт толын шоэш - шкетӹн шӹнзен кодашат лиэш.

Пикшӹзӹ: Пурым ӹштӓш цилӓнӓт шанат, а пикшӹзӹвлӓ шанат, вуйта герой сек пӹтӓриок нӹнӹ лишӓшлык ылыт. Тене йӓлӹн ӹлӹмӓшӹш пыраш идӓ талашы, самыньыш вӓрешт кердӹдӓ. Дӓ шокшы портӹштӹ ӓль автобус остановкыштат нерен идӓ шӹнзӹ. Тӓмдӓм корны выча. Тӹштӹ окса, тӹштӹ пуйырмаш. Корныда веле цӓшӓн лижӹ.

Козерог: Тӓгвлӓ, тӓ ужында сусу кымылан, куштылгы ышан, потикӓлӓ Козерогым? Уке? Анжалда, нӹнӹ кӹзӹт сагада ылыт. И мычкы Козерогвлӓ пӓшӓлӓт, йыштылыт, масакланат дӓ цилӓ яжожым кидӹшкӹштӹ кычен нӓлӹт. Оксашты нӹнӹн тангыжыш кеӓшӓт, шоколад дӓ книгӓ нӓлӓшӓт, яраташат ситӓ. Козерогвлӓ, анжалда йӹрвӓш, сотарышы, тӓлӓндӓ шӹдӹм шанышы эдемвлаӓ ак каеп? Карангда нӹнӹ гӹц, тек ГАРМОНИДӒ ак пӹтӹ.

Вӹдйоктарышы: Тӓмдӓн вуй циц шанымашвлӓ. Кӹтӹк жепӹшток нӹнӹ лошты шукыжы лин шокта. Цилӓок тӓмдӓн ашныжы веле. Но 2016 ин тӓлӓндӓ кынамжы чӹдӹрӓк попаш келеш. «Юк лыкде лиӓш – шӧртньӹ» халык шая улы. Сотарышы эдем пиш шукы, кидӹм жепӹштӹ пушы веле чӹдӹрӓк. Седӓндоно, цилӓлӓнок идӓ ӹнянӹ, адат цаклы кыце шортньӹ шӱндӹкдӓм шолышт кеӓт.

Кол: Колвлӓлӓн тене, рушла манаш гӹньӹ: «Все до лампочки» ӓль «Хоть пруд пруди», икманаш, сойтокат. Шанат - пӓшӓлӓт, шанат - кӓнӓт. Цилӓ нӹнӹн икпораткан кеӓ. Корнышты, пӹлгомышты, мӱлӓндӹштӹ, вӹдӹштӹ. Но кыце нӹнӹ виктӓрӓт, сек мастаржат ӧреш. Лачокок, туравлӓ ылыт. Ӹлӹдӓ, кыце мыштедӓ, но пӓлӹдӓ, сир тӹр тӓмдӓм соок выча. Тӹштӹ яратымы эдемвлӓ.

«Акпарс» радиостудий

Если вы нашли ошибку, пожалуйста, выделите фрагмент текста и нажмите Ctrl+Enter.

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.