Театр ӱжеш ваштылаш

0
169

Кырык мары драма театр тагачшы кечеш шукы культура томавлӓштӹ (Эмӓн, Пайскырык, Пӹзӹкныр, Виловат) масаклӓ концерт доно анжышывлӓм сусуэмдӹш. А Я.Эшпай лӹмӓн культура томашты "Йӹрӓлтет гӹнь, чоте веселӓ" концерт 14 февральын 18.30. цӓшӹн лиэш. 
Сек шукы анжышы Виловат культура томашты погынен ыльы. Концерт паштек цилӓ культура томавлӓ гӹц анжышывлӓ пуры кымыл доно лӓктевӹ дӓ артиствлӓлӓн таум келесевӹ. Вет масаклӓ сценкывлӓ, веселӓ куштымашвлӓ, лӹмлӹ кырык мары поэтвлӓн лыдышвлӓ нӹнӹнйӓнгӹштӹм ӹвӹртенӹт. А мырывлӓ гишӓнжӹ попашат уке пишок йӓнгеш вазыныт. Сек яжо мырывлӓштӹм Михаил Пекцоркин, Ольга Искоскина, Дария Лахматова, Анжела Сорокина дӓ Настя дон Дима Тораев мыренӹт, тенгеок концертӹн хынавлӓ: Дмитрий Атласкин, Дмитрий Пекцоркин дӓ Дмитрий Юадаров анжышывлӓн кымылым лӱктенӹт. А спектакль гӹц потикӓ лаштыквлӓм артиствлӓ анжыктымы паштек халык сек когон лапам шин. Пишок кердевӹ ваштылтен Светлана Зотина, Наталия Гусянова дӓ Наталия Петрова (кымытынат Мары Эл Республикын заслуженный артисткывлӓ ылыт). Сӓмӹрӹк артиствлӓӓт халыкын кымылым пишок луктевӹ, тидӹ Николай Марышев, Анжела Сорокина, Елена Васильева дӓ Михаил Анисимов. Концертӹм шӹнден Кырык мары театрын тӹнг режиссержы Ольга Искоскина.


Кырык мары драма театр Котактышты »


Театр улы кымылын халыкым ӹшке концертвлӓшкӹжӹ анзыкылажат ӱжеш. Нӹнӹ эче 10 февральын Микрӓк культура томашты, 11 февральын - Макарсир дӓ Йоласал культура томавлӓштӹ, 21 - шӹ февральын Кулаковышты, 22 февральын Усола культура томашты дӓ 23 -шы февральын - Картук культура томашты эртӓрӓлтӹт.

Савыкташ Ирина Салтыкова ямдылен.

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.