Тӱҥ лаштык Тег-влак #кечым иктешлен

Тег: #кечым иктешлен

Кечым иктешлен: сӱрем тылзын 1-ше кечысе тӱҥ увер-влак

Сӱрем тылзын 1-ше кечысе тӱҥ увер-влак.

Марий Элыште пашазе-влакын тазалыкыштым аралаш да лӱдыкшыдымылыкым ышташ программым пеҥгыдемденыт

Пашам аралыме шотышто ведомство-влак кокласе республикысе комиссийын заседанийыштыже тиде программым ончен лектыныт да предприятий ден организацийлашке шыҥдараш темленыт.

Марий Элыште пашадыме–влак шагалемыныт

25 регионышто, мӧҥгешла пашадыме- влак ешаралтыныт.

Курыкмарий районышто 250 утла гектарыште йытыным ӱденыт

Пырчан да отызан ялозанлык культурым да кукурузым ӱдаш 80 тӱжем утла гектар пасум ямдылыме. Пареҥгым да моло тӱрлӧ вожсаскам кумшӱдӧ наре гектарыште вераҥдыме.

Марий йомак тоштер Йошкар-Олаште почылтеш

Экспонат-влак Наумов купечын пӧртыштыжӧ вераҥыт. Мероприятий-влак 18 гыч 23 шагат марте эртарат.

Идалык тӱҥалтыш гыч Марий Элыште чодырам шолып руышо 17 еҥым кученыт

Шолып руышо-влак 800 тӱжем теҥгеаш эҥгекым ыштеныт. Тушечын 82% оксажым пӧртылтымӧ.

Марий Элыште 12 у йоча сад 2021 ий марте почылтшаш

Субсидийым Йошкар-Олан, Волжскын да Медведево районын бюджетышт коклаште шеледат, паладарат Туныктыш министерствыште.

Марий Элыште 680 тӱжем еҥ ила

Пытартыш кок ий жапыште ик тӱжем еҥ колен, вес кундемлаш ныл тӱжем утла еҥ каен.

Марий Элыште тений 1 300 утла гектарыштыже у пушеҥгым шындыман

1 300 утла гектарыштыже у пушеҥгым шындыман. 1 200 гектарыштыже шошымак вераҥдыман.

ТӰҤ УВЕР-ВЛАК