Марий Элыште 680 тӱжем еҥ ила

Пытартыш кок ий жапыште ик тӱжем еҥ колен, вес кундемлаш ныл тӱжем утла еҥ каен.

Российысе регион-влак коклаште Марий Эл демографий рейтингыште могай верым айла? Ончылно Севастополь, Ингушетий да Чечня каят. Нине кундемыште калыкын чотшо палынак ешаралтын. Эн мучашыште Еврей автоном округ, Магадан да Тамбов область улыт.

Пытартыш ийлаште Российыште калык ешаралтеш гынат, пеҥгыдын манаш ок лий. 2016-2018 ийлаште 236 тӱжем еҥлан шукырак лийын. Тидын годым моло вер гыч 598 тӱжем еҥ толын, 355 тӱжем еҥ колен.

Тений идалык тӱналтышлан Российыште 146 миллион утла еҥ шотлалтеш. Калык эн чот шагалемын: Саратов, Угарман областьлаште да Алтай крайыште. Марий Эл рейтингын 43-шо корныштыжо верлана. Мемнан дене 680 тӱжем еҥ ила. Пытартыш кок ий жапыште ик тӱжем еҥ колен, вес кундемлаш ныл тӱжем утла еҥ каен.

Йолташ-влаклан палдараш
Кидшер
Шонымашым ешараш