Йошкар-Оласе ракет соединений пӱтынек уэмдалтын. Вооруженийыш «Ярс» у ракет комплекс-влакым шогалтыме, увертара Российысе оборона министрестве.
Континент кокласе баллистик ракет-влак 11 тӱжем меҥге коклаште верланыше объектымат пытарен кертыт. Апрельын пытартыш кечынже ракет полк у вооружений да тичмаш состав дене боевой дежурствыш ушнен. Тидыже дивизийын у вооружений дене пойдаралтме пашам мучашлыме нерген ойла.