Сеҥымашын 74-ше идалыкшылан пӧлеклалтше пайрем куржталмаш Йошкар-Олаште лиеш

Мероприятийым куржталаш йӧратыше-влакын «Айвика» клубышт эртара.

Йошкар-Олаште 10-шо майыште Сеҥымашын 74-ше идалыкшылан пӧлеклалтше пайрем куржталмаш лиеш. Таҥасымаш Сеҥымаш паркыште гандикап формат дене эрта.

Таҥасымше-влак 10 меҥге кужытым эртышаш улыт. Старт интервал дене пуалтеш. Тудын кужытшо спортсменын ийготшо деч шога. Тӱҥ старт деч вара почётан уна-влаклан, скандинав коштмашым йӧратыше шамычлан да йоча-влакллан таҥасыде ик меҥгым куржаш темлат.

Сеҥымаш гандикапыш регистрацийым эртыше куржталше-влак пурат. Мероприятийым куржталаш йӧратыше-влакын «Айвика» клубышт эртара. Таҥасымаш 11 шагатлан тӱҥалеш.

Йолташ-влаклан палдараш
Кидшер
Шонымашым ешараш