Таче ага тылзын 20-ше кечыже. Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Событий:

  • Метрологын тӱнямбалсе кечыже. Тиде кечын 1875-ше ийыште Парижыште эртыше конференцийыште метрологын кечыжым пайремлаш палемденыт.
  • Юл эҥерын кечыже.
  • 1742 ий — штурман Семён Челюскин Евразий континентын эн йӱдвел ужашышкыже миен шуын. Тудо вер кызытат Челюскинын мысше лӱмым нумалеш.
  • 1873 ий — джинс йолаш-влакым ышташ тӱҥалыныт.
  • 1942 ий — Отечественный сарын 1-ше да 2-шо степенян орденжым пеҥгыдемдыме.

Шочыныт:

  • 1947 ий — Николай Николаевич Николаев, шанче физик.
  • 1957 ий — Игорь Константинович Фоминых, ял озанлык вуйлатыше.
  • 1965 ий — Игорь Николаевич Кудряшов, амалкалче.
  • 1971 ий — Сергей Михайлович Чечётко, театр пашаеҥ.
  • 1983 ий — Ирина Владиславовна Трубянова, марий йылмызе, шанчызе, туныктышо.

Калык пале:

  • Тиде кечын ожно кечыште ырыктыме эҥер вӱд дене мушкылтыныт: тидлан эрдене эрак ведраш вӱдым кошталын шынденыт, а кечывалым чывылгеныт. Тыгак эҥерыш имньым йӱштылаш пуртеныт. Тыге имне вий-куатым пога, маныныт.
  • Марий калык имньылан посна тӱткышым ойыра. Ик шотшо дене тудо кызытат шнуй вольыклан шотлалтеш. Имньым ончен, кугезына-влак игечым мужедыныт: имне шудышто пӧрдалеш — игече вашталтеш, чытырнен але пошырнен колта гын — кугу йӱрлан.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.