Кечышот. 25 ага (май)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Событий

  • Школ йӱла почеш «Пытартыш йыҥгыр» пайрем эртаралтеш.
  • Филолог-влакын кечыже
  • 1993 ий — Финляндийыште марий тӱвыра пайрем эртаралтын.
  • 1869 ий — Венский оперын пӧртшым почыныт.
  • 1957 ий — Москваште Совет Ушемын ик эн кугу унагудыжым почыныт. Тудын лӱмжӧ — «Украина».
  • 1963 ий — Африкысе 30 утла эл кугу конференцийыш чумырген да икоян, келшен илаш, ваш-ваш полшаш манын ятыр документым пеҥдемденыт. Моло вашкелшык коклаште посна верым суверенитетым аралымаш налын шоген.

Шочыныт

  • 1949 ий — Владимир Смирнов-Сэмэҥер, марий серызе, туныктышо.
  • 1959 ий — Алексей Бахтин, руш серызе, почеламутчо, журналист.
  • 1959 ий — Валерий Николаевич Волков, туныктыш пашаеҥ да спортсмен.
  • ???? ий — Геннадий Владимирович Григорьев, бард мурызо, семлызе.

Калык пале

  • Шнуй Епифанын кечыже. Тудын деч калык пожар деч аралаш йодын кумалын. Кугу тул деч пызле укшат арала – манын ӱшаненыт. Сандене пызле укшым капкаш, омсаш, окнаш кереденыт.
  • Марий калыкын йӱлаштыжат пызле аралтыш семын кучылталтеш. У пӧртым чоҥымо годым илыме кумдыкышто пызлым шындыман улмаш да тудым нигунамат руаш ок лий. Кугезына-влак тыгай калык палыланат ӱшаненыт: пызле чот шочеш гын – калыкын тазалыкше начарештеш, могай гынат кугу чер толын кертеш.
Кидшер
Шонымашым ешараш