«Финн-угор калык-влакын поянлыкышт» студент форум Марий Элыште чумырга

Йошкар-Олашке финн-угор калык-влакын илыме регионла да йот элла гычат уна-шамыч толшаш улыт.

«Финн-угор калык-влакын поянлыкышт» студент форум Марий Элыште 15-ше-16-шо майыште эрташ тӱҥалеш. Тудо тӱнямбал кӱкшытан лийшаш. Йошкар-Олашке финн-угор калык-влакын илыме регионла да йот элла гычат уна-шамыч толшаш улыт.

Форум студент да аспирант-влак коклаште кылым пеҥгыдемдаш, финноугроведенийыште шымлыме да шанче пашаште могай лектышыш шумышт нерген икте-весыштым палдараш шонымаш дене тений кудымшо гана эртаралтеш.

Форумым почмо кечын тудын участникше-влак секцийлаште пашам ыштат, Республикысе курчак театрыште «Йӱд орол» спектакльым ончат. Кокымшо кечынже Унчо кундемышке каят. Верысе этнокультур комплексыште уна-влаклан экскурсийым эртарат, туштак мастер-класс-шамыч эрташ тӱҥалыт.

Йолташ-влаклан палдараш
Кидшер
Шонымашым ешараш