17.4 C
Йошкар-Ола

Курыкмарий районышто 250 утла гектарыште йытыным ӱденыт

Марий Эл Республикын чыла районыштыжо тӱшка озанлык да кресаньык фермер озанлык-влак пасу пашам лачымын уштарен толыт. Ага тылзын 12-шо кечыжлан республик мучко кокияшлан ешартыш минерал кочкышым тӱрыс кумдыкеш пуымо. Тидыже 36,5 тӱжем гектар лиеш.

Шукияш шудылык пасушто 70 тӱжем утла гектар кумдыкеш тырмалыме пашам шуктеныт, а икияш пырчан культурым 80 тӱжем наре гектарыште ӱдымӧ. Паша радам почеш, 130 тӱжем гектар.

Пырчан да отызан ялозанлык культурым да кукурузым ӱдаш 80 тӱжем утла гектар пасум ямдылыме. Пареҥгым да моло тӱрлӧ вожсаскам кумшӱдӧ наре гектарыште вераҥдыме.

Курыкмарий районысо фермер-влак эр шушо ковыштам, кешырым да шоганым чылаже вичшудӧ утла гектарыште шынденыт. Икмыняр озанлыкыште 250 утла гектарыште йытынымат ӱденыт.

Тыгак лудса

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

spot_img

Увер йогын

Кызыт лудыт