Финн-угор тӱнян тӱвыра рӱдӧверже: кеҥеж жапыште кандаш официал мероприятий эртышаш

Финн-угор тӱнян тӱвыра рӱдӧверыштыже кеҥеж жапыште кандаш официал мероприятий эртышаш.

Финн-угор тӱнян тӱвыра рӱдӧверыштыже — Унчо селаште кеҥеж жапыште кандаш официал мероприятий эртышаш.

Тӱнямбал сӱан йӱлам ончыктышо «Сӱан пайрем» фестиваль-конкурс пеледыш тылызн 14 кечынже лиеш. Уна-влак деч посна тышке финн-угор да Юл федерал кундемын журналистше-влак толыт. Нуно марий калыкын тӱвыраже да тачысе илышыже дене палыме лийыт.

Сӱрем тылзыште XI Российысе марий самырык тукым слёт, кава йымалсе театр лиеш. Тыште марий сылнымутлан негызым пыштыше С.Чавайнын «Мӱкш отар» драмыжым ончыктат. 9 июлышто гын, «Колумб лудмашым» эртараш палемдыме. Шочмо калыкна 12 июльышто «Сÿрем» кумалтышыш чумырга, а эрлашыжым Финн-угор самырык музык фестиваль лиеш.

Сорла тылзыште «Угинде» Тӱнямбал пайремым эрташа палемдыме. Регион-влак кокласе «Унчо тӱс» сӱретче-влакын пленерышт 24 августышто лиеш.

Кидшер
Шонымашым ешараш