Кечышот. 15 cӱрем (июль)

Сӱрем тылзын 15-ше кечыже.

Сӱрем тылзын 15-ше кечыже. Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Событий

  • 1783 ий — Сона эҥер дене икымше пароход ийын эртен.
  • 1975 ий — Историйыште икымше гана кок тӱрлӧ элын космический корабльышт орбитыш пырля лектыныт: иктыже Совет ушемын «Союз-19», весыже – Америкын «Апполон» корабльже.
  • 1774 ий — 15-17 июльышто Емельян Пугачёв марий кундемыш толын коштын: Ваштар курыкышто да Кокшайск селаште лийын.
  • 1991 ий — Йошкар-Оласе калык депутат-влак погынын исполкомжо оласе тоштерым почмо нерген кагазым пенгыдемден.
  • 1940 ий — Марий Эл Республикыште композитор ушемым ыштыме.

Шочыныт

  • 1913 ий — Владимир Павлович Семёнов (Владимир Cузы), курыкмарий серызе, кусарыше, журналист.
  • 1919 ий — Сергей Иванович Захаров, руш серызе, журналист.
  • 1926 ий — Александр Васильевич Валеев, марий шанчызе, туныктышо.
  • 1926 ий — Михаил Тихонович Сергеев, марий серызе, шанчызе, шымлызе, историк, журналист, краевед.
  • 1946 ий — Александра Трифоновна Богданова, ял озанлык специалист.
  • 1954 ий — Михаил Данилович Дубников, ял озанлык да кугыжаныш пашаеҥ.
  • 1954 ий — Валерий Елистратович Берестов, ял озанлык да кугыжаныш пашаеҥ.

Калык пале

  • Ожно тиде кечын мужедыныт. Поснак йӧратыме еҥым шке дек савырымаш кумдан шарлен. Тиде кечын пӧрт воктен куэм шынденыт.
  • Марий-влак гын утларак телым, Шорыкйол годым мужедыныт. Но тыглай кечынат кеч-кӧат кинде падыраш але ӱштӧ дене мужедын кертын. Утларакше тиде йӧным чер улмо годым але йомшо арверым, еҥым муаш манын кучылтыныт.
Йолташ-влаклан палдараш
Кидшер
Шонымашым ешараш