«Унчо тӱс»: Марий Элыште сӱретче-влакын пленэрышт эрта

У пашам шочыкташ сӱретче-влак Миклай Казаков лӱмеш сылынымут да краеведений тоштерым, Кугу Шургӧ ялыште сурт-оралтым ончат, Нылгудо, Кӱчыкэҥер, Памашсола, Вончыдӱр, Эҥерсола, Овдасола, Кульбаш, Чӱкшӧ яллашке, Унчо да Арын селашке мият

Тиде кечылаште Морко велысе Унчо селаште сӱретче-влакын «Унчо тӱс» пленэрышт эрта. Мероприятийыште Йошкар-Оласе художественный училищын тунемшыже да туныктышыжо-влак участвоватлат.

«Талук мучко мастерскойышто пашам ыштена. А пӱртӱсыш лекмеке тӱсын ойыртемже моткоч ӧрыктара. Тидыже у сӱретым ышташ, у композицийлан, студент-влакын диплом пашаштлан у шонымашым шочыкта», — каласкала училищын туныктышыжо Анна Санникова.

У пашам шочыкташ сӱретче-влак Миклай Казаков лӱмеш сылынымут да краеведений тоштерым, Кугу Шургӧ ялыште сурт-оралтым ончат, Нылгудо, Кӱчыкэҥер, Памашсола, Вончыдӱр, Эҥерсола, Овдасола, Кульбаш, Чӱкшӧ яллашке, Унчо да Арын селашке мият.

Йолташ-влаклан палдараш
Кидшер
Шонымашым ешараш