Йошкар-Ола гыч самолёт-влак Санкт-Петербургыш чоҥештылаш тӱҥалыт

Авиакомпаний-влак деч документым 30-шо май гыч налыт.

Марий Эл гыч Санкт-Петербургышкат самолёт-влак чоҥештылаш тӱҥалыт. Йӱдвел рӱдолан кучемже Российысе 22 олаш, тудын радамыштак Юл кундем округысо 9 олаш авиарейсым колташ оксам тӱлаш ямде. Спискыште Йошкар-Ола, Угарман, Киров, Саратов, Ижевск, Саранск, Пенза, Ульяновск да Чебоксар ола-влак улыт.

Авиакомпаний-влак деч документым 30-шо май гыч налыт.

Ушештарена, кок арня гыч Йошкар-Ола — Москва авалиний почылтшаш. Икымше рейс «Внуково» аэропорт гыч 8-ше июльышто лекшаш. Калыкым РусЛайн авиакомпаний 50 веран самолёт дене шупшыкта. Билетым кызытак бронироватлаш лиеш.

Йолташ-влаклан палдараш
Кидшер
Шонымашым ешараш