Кечышот. 24 cӱрем (июль)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Событий

  • Кадастровый инженерын кечыже.
  • 1774 ий — Турок-влак ваштареш кучедалмашыште генерал-фельдмаршал Михаил Кутузов нелын сусырген да ик шинчажым йомдарен. Тидын деч вара тудо ик шинчажым шем лапчык дене петырен.
  • 1790 ий — Францийыште метеорит камвозын.
  • 1956 ий — Физик-влакын олаштым почмо. Сар пытыме деч вара Дубна олаште секретный шымлымаш рӱдерым почыныт: тушто ядер оружийым ямдыленыт да атом энергетикым шымленыт.
  • 1993 ий — Уло Русьын да Москва олан патриархше Алексий Кокымшо Марий Элыш толын коштын.

Шочыныт

  • 1916 ий — Дмитрий Константинович Попёнов, партий еҥ.
  • 1918 ий — Илья Иванович Россыгин, артист.
  • 1948 ий — Галина Григорьевна Варченко, тазалык аралтыш пашаеҥ.
  • 1960 ий — Вячеслав Аркадьевич Быков, спорт мастер.
  • 1965 ий — Андрей Юрьевич Санников, сӱретче.
  • 1966 ий — Людмила Якимовна Васютина, тележурналист.

Калык пале

  • Ольган кечыже. Православийыште Ольгам шарналтат. Ожно тиде кечын уло ял калык пасуш лектын: шурным тӱредаш тӱҥалын. Эсогыл йоча ден шоҥго еҥ-шамычат мӧҥгыштӧ шинчен огытыл. Шурным поген налаш, еҥ-влак сай игечым вученыт. Сай кечылан пылора кӱшыч иеш. Эрдене пыл кече лекмеш шула гын, оярлан . Пыл кечывалвелышкыла кая гын, ояра, ойленыт кугезына-влак.
Кидшер
Шонымашым ешараш