Российысе генеральный прокурор Юрий Чайкан приказше дене Оршанке районын прокуроржылан юстицийын кугурак советникше Александр Тораевым шогалтыме. Тудо 1979-ше ийыште Курык марий районышто шочын. Марий универсиетын юридический факультетшым тунем пытарен. Пытартыш шым ий Волжский районын прокуроржылан ыштен.

Марий Элыште сар-курал дене пайдаланыме пашам Росгвардий виктемын лицензий да разрешений паша шотышто подраздленеийже терген шога. Тений 6 тылзе жапыште рӱдерын специалистше-влак полицийын участковыйже-шамыч дене пырля саркуралым аралыме шотышто вич тӱжемат 600 тергымашым эртареныт. Тыге аралыме да пайдаланыме шотышто тӱрлӧ нарушенийлан кӧра пычалым кучышо 301 еҥым административно мут кучаш шогалтыме, 196 пычал ден тӱжемат пеле патроным поген налме. Нарушений кокла гыч шукыжо лицензийым да граждан сар-кураллан разрешенийым регистрироватлыме жапым шотыш налдымаш дене кылдалтын. Тыгай нарушений годым сар-куралым кугыжанышлан поген налыт. Тиддеч посна пел ий жапыште республикысе калык закондымын аралыме 13 пычалым да 200 утла патроным шке конден пуэн. Нунылан оксам тӱлымӧ.

Йошкар- Оласе суд муниципал мланде дене ондалкален ял илемлан ятыр миллион теҥгеаш эҥгекым кондымо шотышто уголовный паша почеш пунчалым луктын. Медведево район администрацийын муниципал пого да мланде поянлыкым виктарыме шотышто Комитетын кок ончычсо пашаеҥжым ондалкалымылан титаклат. Нуно 2012-шо гыч 2014-ше ий марте Новый посёлкышто, да Тойкан ялыште 98 мланде участке дене пайдаланаш закон деч посна правам налыныт. Муниципалитетлан 111 миллион теҥге эҥгекым конденыт. Нуно паленак 53 участкым пуйто налме-ужалыме шотышто документым ыштеныт. Тидлан 7 миллион теҥге утла парышым налыныт. Медведево прокуратурын кӱштымыж почеш суд гоч 61 участкым муниципал погыш пӧртылтымӧ. Суд иктыжым 10 ийлан эрык деч посна кодаш да 900 тӱжем теҥгелан штрафым тӱлыклаш, весыжым 10 ият пелылан колонийыш колташ да ик миллион теҥгем тӱлыкташ пунчалын. Приговор эше вийым налын огыл.

Аркадий Сергеев

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.