Республикысе озанлыклаште шукияш шудо кычкым шияш тӱҥалыныт. Тачысе кече марте 56 гектар гыч 8 тонн нӧшмым шийме. Овсянница шудын икымше тонн кычкыжым Оршанке районысо «Родина», Советский районысо «Родина», Параньга районысо «СафЭко» озанлык-влак поген налыныт. Республике мучко кокла шот дене бункер нелыт дене шотлымаште кычке 1,4 луаш центнер лектеш. Тидыже ӱмашсе деч шагалрак. Специалист-влак ӱшанат: варарак шушо шудо шукырак лектышым пуа.

Уремлаште закондымын ужалкалымашым рашемдыме шотышто Йошкар- Олаште рейд- влак умбакыже шуйнат. Шкевуя ужалкалыме вер- влакым ыштыше- шамычым ола администрацийын еҥже- влак полиций пашаеҥ-шамыч дене пырля тергат. Тыгай верлам ыштымылан закон почеш тыглай еҥлан 500 гыч тӱжем теҥге марте, должностной еҥлан кумыт гыч вич тӱжем, юридический еҥлан 30 гыч 50 тӱжем теҥге марте штрафым тӱлыктен кертыт. Кушкыжмын оласе Заводской районышто эртарыме рейд годым административный правонарушений шотышто кум протоколым возымо. Нуным ола админстрацийын комиссийышкыже ончаш колтымо.

Республикым вуйлатыше Александр Евстифеевын кӱштымыж почеш калыкле проект- влакым пайдалын илышыш шыҥдараш манын, чыла муниципал образованийлаште проектлам шыҥдараш да терген шогаш пашаче группо-влакым ыштыме. Нуным Российысе кундемлан сай опытыштым шотыш налын чумырымо. Пашаче группо- влак верысе самоуправлений орган-влакын пашаштым пырля виктараш, республикысе кучем дене, мер ушем, организаций да тӧнеж- влак дене кылым кучен шогаш, шыҥдарыме пашам тергаш да эскераш, увер дене палдараш полшышаш улыт. Тылзе еда оксам кучылтмо, контрактым ыштыме, капитально чоҥымо объектлам терген шогаш палемдыме.

Аркадий Сергеев

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.