Кечым иктешлен: сӱрем тылзын 26-шо кечысе тӱҥ увер-влак

Сӱрем тылзын 26-шо кечысе тӱҥ увер-влак.

Сӱрем тылзын 26-шо кечысе тӱҥ увер-влак нерген «Кидшер» интернет-журнал палдара.

У оборудований

Йошкар-Ола аэропортышто радио-маяк системым йӧнештараш тӱҥалыт. Тыгай оборудований самолётлан сайын гына волен шинчашыже полша. Радио-маяк чоҥештылме годым лӱдыкшыдымӧ правилым шукташ виктаралтын. Тыгай системе улмылан кӧра, самолётын экипажше аэропорт, деке лишемме годым, волен шичме корно шотышто юж суднын кушто улмыжым чын пален налеш. Тыгодым авиадиспетчер-влакланат самолётлан палемдыме корныш лӱдыкшыдымын волен шинчаш чын уверым пуаш полша.

Туткарым шижтараш

Республикыште кок кечаш «Йолешке» операций эртен. Тудо йолешке-влак дене лийын кертше корно туткарым шижтараш да корно правилым шуктымым тергаш манын эртаралтын. Кок кече жапыште Кугыжаныш автоинспекций пашаеҥ-влак йолешке-влаклан корным пуыдымо 56 водительым, корно правилым пудыртышо 106 йолешкым кученыт.

Комплексым уэмден тӱзатат 

Советский посёлкышто Салтак Чап мемориал комплексым уэмден тӱзатат. Тиде тауштен шарнымашан верым Кугу Ачамланде сарын участникше-влаклан да шокшо точкылаште лийше-влак лӱмеш чоҥен шынденыт. Чап мемориал воктене тӱрлӧ митинг да тӱвыра программе-влакым эртараш ондакат изирак кумдык лийын. А ынде посёлкысо рӱдӧ аллейыште тӱзатыме пашам шуктат. Тудын лопкытшо палынак кумдаҥеш, тӱрыштыжо сылне вондер ден пушеҥге-влакым шындат. Тыштак кок уремым ушышжо тортуарыш бручастке плитке-влакым оптат. Чыла тиде уэмден тӱзатыме паша Кугу Ачамланде сарыште Сеҥымашлан шымле вич ий теммым пайремлаш ямдылалтме радамыштат шукталтеш.

Кидшер
Шонымашым ешараш