Кечым иктешлен: сӱрем тылзын 30-шо кечысе тӱҥ увер-влак

Сӱрем тылзын 30-шо кечысе тӱҥ увер-влак.

Сӱрем тылзын 30-шо кечысе тӱҥ увер-влак нерген «Кидшер» интернет-журнал палдара.

У комплекс-влак

Марий Элыште «Декарт» у фотовидеофиксаций комплекс-влакым вераҥдат. Корнылаште мемнан республикылан у 11 комплексым келыштарат. Тиде оборудований тергыме корно ужашыште траснпортын скоростьшым автомат режим дене эскера, могай жапыште кудалмым палемда да навигаций параметрым ончыкта. Тыгай комплексым «Йошкар-Ола — Зеленодольск» да «Вятка» автомобиль корнылаште вераҥдат. Лишыл жапыште нуно чӱкталтшаш улыт.

Пиалан марий еш 

Марий Элыште илыше еш Россий кӱкшытан «Талукын ешыже» конкурсышто «Самырык еш» тӱшкаште сеҥышыш лектын. Тиде номинацийыште 71 еш ӱчашен, но пиал 16 ешлан гына шыргыжалын. Нунын коклаште Йошкар-Ола гыч Алексей ден Анастасия Зотовмыт улыт. Пиалан еш 8 ий пырля ила да кум йочам — Антоным, Вероникам да Елизаветам ончен-кушта. Нуно чолга илыш дене илат, спортлан шуко жапым ойырат. Чӱчкыдын нуным «Нацийын кроссшо», «Российын ечыгорныжо», Марий Элын ечыгорныжо», «Йошкар-Оласе пелмарафонышто ужаш лиеш. Тиддеч посна нуно шке кид дене тӱрлӧ ӱзгарым ышташ йӧратат, ача-ава йочаштым пашалан туныктат. Пырля кеҥеж гоч пакча-саскам ончен-куштат. Социал вияҥмаш министерствын ончыктымыж почеш, тений конкурсыш Российысе 85 кундем гыч 353 еш ушнен.

Марий Элысе рвезе икымше

Угарман кундемыште Южышто шар дене чоҥештыме спорт дене областьын кумшо виш чемпионатше эртен. Финал таҥасымашыште Бор ола воктелсе Неклюдово посёлко деч тӱҥалын Угарман олан микрорайонжо марте чоҥештеныт. Кум чоҥештымаш да 7 заданийым шуктымаш деч вара ончыко Волжск ола гыч Ильдар Габбасов лектын. Тудо ныл тӱжем 320 очком поген да икымше лийын. Кокымшо верыште Санкт-Петербург гыч Андрей Чижов, кумшышто Набарежный Челна гыч Эмиль Гилаев улыт.

Аркадий Сергеев

Кидшер
Шонымашым ешараш