8 C
Йошкар-Ола

Марий Элысе социал обслуживатлыше тӧнеж-влак у машина-влакым налыныт

(Йошкар-Ола, 5 август, «Кидшер», Аркадий Сергеев). Марий Элыште «Кугурак тукым» калыкле проектын «Кугурак тукымын илышыжым саемдыме да полышым пуымо программым ямдылымаш» регионысо проект илышыш шыҥдаралтеш. Тудын мероприятийже-влак кугурак ийготан да инвалид-влаклан кужу жап полшымо системым ышташ да полышлан кора стационар эмлыме верлашке эмлаш еҥ-влакым шагалрак колташ полшышаш.

Кугурак ийготан-влакын таза жапыштым шуяш да тазалыкыштым пеҥгыдемдаш, ялыште илыше-влаклан медицина полышым налаш йӧнан лийже манын, тений 17 единице техникым налме: 8 LADA «Largus» да 9 ГАЗ «Соболь» машинам налме.

Нуно 65 ияш деч кугурак ийготан еҥ-влакым медицина организацийлашке кондыштараш тӱналыт. Тиде сомыл тений нылымше квартал гыч тарвана. Таче районласе калыкым социал обслуживатлыше тӧнеж-влакым вуйлатыше-шамычлан республикым вуйлатыше Александр Евстифеев нине 17 машина деч сравочым кучыктен.

Тыгак лудса

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

spot_img

Увер йогын

Кызыт лудыт