(Йошкар-Ола, 5 август, «Кидшер», Дмитрий Исламов). Йошкар-Ола 435 идалыкшым вашлияш ямдылалтеш. Тений тудым 10 августышто палемдат. Тиде пайрем кечылан ямдылалтме паша кызытат кая.
Рӱдӧ тӱвыра да каныме паркыш пурымо арке умбач возымо буква-влакым кораҥдыме. Парк директор Андрей Шестаковын мутшо почеш, буква-влакым тылеч ончыч мушкын эрыкташ кораҥденыт, а тиде гана тудым уэмдаш палемдыме.
Буква-влакым чиялтат да тушто улшо тошто лампычке-влакым вашталтат. Йошкар-Олан кечыжлан буква-влакым верышкыже вераҥдат.