(Йошкар-Ола, 6 август, «Кидшер», Дмитрий Исламов). Марий Элыште Росгвардий виктемын у начальникше. Тудын дене Россий национальный гвардийын Юл кундем кунемын командующийын алмаштышыже, генерал-майор Алияр Танрыверди оглы Абдуллаев министерстве ден виктем вуйлатыше-влакым палымым ыштен.

Марий Элыште Росгвардий виктемым Файзулин Геннадий Сергеевич вуйлаташ тӱҥалеш.

Геннадий Файзулин 1973 ийыште шочын. 1995 ийыште Марий кугыжаныш университетым, 2004 ийыште Россий МВД-н Воронежысе институтышто квалификацийым нолтымо шотышто курсым тунем пытарен. Элгӧргӧ органлаште 1997 ий годсек тырша. Пашажым Йошкар-Оласе УВД-н вневедомственный охране полкаште милиционер семын тӱҥалын. 20 утла ий тиде органыште тӱрлӧ должностьышто службым эртен. 2016 ий октябрь тылзе гыч Марий Элыште Росгвардий виктем начальникын алмаштышыже лийын. Шке пашажым сайын шуктымыжлан Геннадий Файзулиным ятыр награде дене суапландареныт.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.