ВИЧлан тестым яра да вашке эрташ лиеш

Кумылан-влакым рӱдӧ эмлымвер кумдыкышто 12 шагат гыч 18 шагат марте вучат.

(Волжск, 6 август, «Кидшер», Дмитрий Исламов). Марий Элыште Пӱтынь Российысе «ВИЧлан тест: 2019 ийсе экспедиций» тест акций эрта. Мемнан кундемыштына тудо эн ончыч Волжск олаште тӱҥалын. Акцийым Российын тазалыкаралтыш Министерствыже да Угарман оласе ГАЗ автозавод пырля эртарат.

Элна мучко тиде акцийыш 200 наре ола ушна. Акцийын тӱҥ шонымашыже: калыклан ВИЧ да СПИД чер нерген кумдан да чын умылтараш, ВИЧ черан еҥ-влакым таза айдеме-влак велым тӱрлӧ семын шыгыремдымым чарымаш да республикыште илыше тыглай еҥ-влакым ВИЧ-инфекций шотышто тестым эрташ кумылаҥдымаш. Тидлан лумын куснылшо машин-лабораторий дене пайдаланат.

Эрла акций Козьмодемьянскыште, Звениговышто да Медведевыште эрташ тӱҥалеш. Кумылан-влакым рӱдӧ эмлымвер кумдыкышто 12 шагат гыч 18 шагат марте вучат.

Кидшер
Шонымашым ешараш