XI Марий калык Погыныш делегат-влакым сайлымаш кампаний тӱҥалын

Тыге шым тӱжем утла марий гыч вич чолгаеҥже  делегат семын, вӱдшор тылзын, Йошкар-Олашке толыт.

XI Марий калык Погыныш делегат-влакым сайлымаш кампаний тӱҥалын. Тӱҥалтышым тора Ханты-Мансийск кундем пыштен, палдара Мер каҥаш.

Сургут олаште погыненыт да «21 курым. Югра марий-влак. Шке йӱла, йылме, тӱвыра ойыртемым вес калык-влак коклаште арален кодымаш» лӱман конференцийым эртареныт. Саламлымаш мутым Сургут олан тӱвыра да туризм комитетын вуйлатышыже Владимир Фризен ойлен. Тудо палемден, марий-влак моткоч чолган да талын шкеныштым ончыктат.

Марий Эл Республик гыч Погынышто Оньыжа, Марий Мер Каҥаш вуйлатыше Эдуард Александров Югра кундемысе «Марий ушем» вуйлатыше Раисия Сунгуровалан Марий Эл Республысе тӱвыра, печать да калык-влакын пашашт шотышто министерствын «Иван Петрович Петров (1893-1938). Марий Эллан шӱдӧ ий темме лӱмеш «Калык верч тыршымаш» шарнымаш медальым кучыктен. Тыгак марий йылмым, тӱвыра поянлыкым арален да вияҥден шогымылан Марий Мер Каҥашын Чап таныкше дене «Марий ушемын» пӧлка вуйлатышыже-влакым суапландарен. Нунын коклаште Юрий Таныгин, Альберт Акушев, Нелла Хисанова, Людмила Краснова.

Ханты-Мансийск кундемыште илыше марий-влак XI Марий калык Погыныш делагат-влакым сайленыт. Тыге шым тӱжем утла марий гыч вич чолгаеҥже  делегат семын, вӱдшор тылзын, Йошкар-Олашке толыт. Делегат-влакын списокышкышт, кудымшо еҥ семын, кызытсе Марий Мер Каҥашын еҥже пура.

Кидшер
Шонымашым ешараш