Йошкар-Олаште «Марий Юнкор — 2014» слёт эртен

Йошкар-Олаште 2-8 июньышто “Марий Юнкор – 2014” слёт эртыш. Тений тиде слёт IX гана эртаралте. Слётышко Марий Элын тӱрлӧ районжо гыч юнкор-влак чумыргеныт. Тыгак Йошкар-Ола, Татарстан Республикысе Агрыз, Балтаси, Мамадыш да Пошкырт кундемысе Мишкан районла ятыр юнкор-влак толыныт. Чылажге коло утла ӱдыр-рвезым «Марий Юнкор — 2014» слёт ушен.
Юнкор-влакым Йошкар-Олаште тӱрлӧ вере коштыктеныт: Калыкле президент школ-интернатым, Т. Евсеев лӱмеш тоштерым, М. Шкетан лӱмеш театрын репетицийым ончалыныт. Тидын годымак поэт, писатель, драматург, журналист-влак дене вашлиймаш-влак эртеныт. 

Йолташ-влаклан палдараш
Кидшер
Шонымашым ешараш