Ит лӱд, мый пеленет улам

Кидшер

Ит лӱд, мый пеленет улам.

Шындем тылат вачем,шорташ шонет гын.

Я ӧпке мутым ойлынет мылам?..

Мый колыштам. Вашеш кидет шует гын,

Кидем ден кормыжтен ырыкталам.

 

Ит лӱд, мый пеленет улам.

Колнет гын шыма мутым -ом чамане,

Йӱдвошт тылат ойлен кертам.

А муралташ гын, муралтем мый, ане,

Гармонь сем дене пойдарен каснам.

 

Ит лӱд, мый пеленет улам.

Чот ӧндалам, кас юж ден кылменат гын.

Эр марте пеленет кодам…

Мотор ӱматым шупшалаш йодат гын,

Мый тауштем, шкежат шупшал манам.

 

Ит лӱд, мый пеленет улам.

Сур пире корнывожыштет кия гын,

Той кердым кидышкем налам,

Поктен колтем. Уэш-пачаш мия гын,

Мый шакшым яра кид денат кертам.

Владимир Матвеев

Йолташ-влаклан палдараш
Кидшер
Шонымашым ешараш