Марий калыкын 2021 ийыште пайрем да йӱлам шуктымо кечыже-влак

Акрет годсек марий калыкын кечым шотлымо шке радамже лийын. Ты радамыште у идалык 22 мартыште шочын.

Кажне ий янлык, кайык, копшаҥге лӱм дене палемдалтын. 2021 ий – Имне идалык – пеҥгыдылык, чытен лекмаш, туныктен ойлымаш, пуымо мутым кучымо дене кылдалтеш.

Толшаш ийыште шочмо калыкнан могайрак марий йӱла дене кылдалтше пайрем-влак лийыт? Марла календарьым темлена.

Шорыкйол (январь)

1 – У ий;
4 – Ош Тӱҥ Кугу Юмын савыртыш кечыже;
7 – Рошто;
8-14 – Шорыкйол арня;
19 – Вӱд модмо кече;
29 – Турек пазар;

Пургыж (ферваль)

12 ­– Коҥга пазар;
15 – Теле рӱдылан мучаш;

Ӱярня (март)

1-7 – Ӱярня арня;
14 – Овдоким кече. Овдоким кече могай, шошо тугай;
22 – Слон ийым Имне ий вашталта. Марий У ий;

Вӱдшор (апрель)

7 – Тер кудалтыме кече. Шошо пазар;
12 – Воштыр пазар;
26 – Марий талешке кече;
28 – Кечыла вӱргече;
29 – Сорта чӱктыш;
30 – Кугече кугарня. Шнуй он-шамычым шарналтен пелештат;

Ага (май)

1 – Шошо да паша пайрем;
2 – Кугече;
3 – Шошымсо марий кумалтыш почылтмо кече;
6 – Йогор кече (вольыкым кӱтӱш лукмо кече);
9 – Сеҥымаш кече;
11 – Радинча;
22 – Кеҥеж Миколо;

Пеледыш (июнь)

2 – Мланде шочмо кече. Кугу Агавайрем. Кеҥежымсе кумалтыш почылтеш;
7 –
Агавайрем;
10 – Илян-шамычын чон кумылышт кӱшкӧ кӱзымӧ кече;
16-17
 – Семык;
18 – Лышташ кугарня;
11 – Пактай пазар;
12 – Российын кечыже;
20 – Чумбылат курыкышто шнуй-влаклан товатлымаш. Шнуй Курык Кугызалан кумалмаш;
26 – Оно-Морко Агавайрем;

Сӱрем (июль)

2 – Индеш кугарня;
3
– Мланде Юмын Ош кече йыр туран савырныме кечыже. Игече могай, шудым солымо, уржа-сорла жап тугаяк шога;
7 – Йыван Купача кече;
9-16 – Сӱрем кумалтыш арня. Тидын дене кеҥеж кумалтыш петырналтеш;
12 – Петро кече;
21 – Кеҥеж Казанский;
30 – Илян Кугарня. Тиде кечын пашам огыт ыште, пасу пашамат тӱҥалаш ок темлалт;

Сорла (август)

2 – Илян кече;
7
– Малмыж вел Кугу Кетек ялыште шнуй Акпатырлан да Полтыш онлан вуйым савыме кече;
14 – Мӱкш илян кече (мӱкш ешын мӱйым поген шуктымыжым ончыкта);
19 – Саска илян кече (пакчасаска кӱын шумым ончыкта);
28 – Кинде илян кече (шурно кӱын шумо кече);

Идым (сентябрь)

14 – Кайыквусо илян кече (кайыквусо шулдыр вийвалне улмыжым ончыкта). Вӱд йӱкшымӧ кече. Семон кече;
21  Вольык илян кече (ашныме вольыкын да чодырасе янлыкын вийвалне шогымо жапше);
27 – Свизын. Маска пайрем;

Шыжа (октябрь)

8 – Шыже кумалтыш почылтеш;
9
– Покро шуматкече, тоштыеҥым уштымо кече;
14 – Покро. Угинде пайрем;

Кылме (ноябрь)

4 – Марий Эл Республиклан – 101 ий. Шыже Казанский;
14 – Кузьма ден Демьян кече;
21 – Шыже пазар;

Теле (декабрь)

10 – Марий тиште кече;
19 – Тӱня Юмын савыртыш кечыже. Тиде тат гыч марий кумалтыш радам петыралтеш. Теле Миколо;
19-26 – Марий юмыйӱлан чоткыдо пӱтыжӧ.

Тыгак лудса

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

spot_img

Увер йогын

Кызыт лудыт