Муро тошкалтыш: Лилия Петухован мурыжо нерген…

Морко кундем гыч Петуховмыт ешыште мотор да шӱшпык йӱкан марий  ӱдырым куштеныт. Тудо шкеже юристлан тунемын лектын, ончыч Морко тӱвыра полатыште методистлан пашам ыштен. Муралта гын – чон куана. Ӱдырын ача-аважат мураш йӧратат. Водительлан тыршыше ачаже, Владимир Николаевич, кидышкыже гармоньым налын, ӱдыржылан сылне деч сылне сем-влакым воза. Тиде шӱшпыкын лӱмжӧ – Лилия Петухова.

Лилия Петухова — Такмак-влак 

Мутшо: калыкын. Семже: В. Петуховын.

1. Мый муралташ йӧралтем, мый кушталташ йӧралтем,
Мый муралташ йӧралтем, мый кушталташ йӧралтем.
Мый весела ӱдыр улам, веселитлаш йӧратем,
Мый весела ӱдыр улам, веселитлаш йӧратем.
Йӧратем йӧратем, веселитлаш йӧратем!
Йӧратем йӧратем, веселитлаш йӧратем!

2. Шоненамак вученамак, шошым садым шындылаш,
Шоненамак вученамак, шошым садым шындылаш.
Шоненамак вученамак, тышан шогал муралташ,
Шоненамак вученамак, тышан шогал муралташ.
Муралташ муралташ тышан шогал муралташ!
Муралташ муралташ тышан шогал муралташ!

3. Изи вӱдшӧ йогалеш да, шонжо угеж шонет мо,
Изи вӱдшӧ йогалеш да, шонжо угеж шонет мо.
Капем изиш шем улам да, танем уке шонет мо,
Капем изиш шем улам да, танем уке шонет мо.
Шонет мо , шонет мо, танем уке шонет мо!
Шонет мо , шонет мо, танеем уке шонет мо!

4. Олыкысо ужар шудо, ой могай сай солалташ,
Олыкысо ужар шудо ой, могай сай солалташ.
Тыгай сылне семже почеш, ой могай сай тавалташ,
Тыгай сылне семже почеш, ой могай сай тавалташ.
Тавалташ тавалташ, ой могай сай тавалташ!
Тавалташ тавалташ, ой могай сай тавалташ!

5. Ош мераҥлан каласыза, шопкем нултен ынже кошт,
Ош мераҥлан каласыза, шопкем нултен ынже кошт.
Шинчаш ончен каласыза, шем гай чойлен ида кошт,
Шинчаш ончен каласыза, шем гай чойлен ида кошт.
Ида кошт, ида кошт, шем гай чойлен ида кошт!
Ида кошт, ида кошт, шем гай чойлен ида кошт!

6. Пален лийза , шарнен илза машинажын номержым!
Пален лийза, шарнен илза машинажын номержым!
Пален лийза, шарнен илза Морко ӱдырын койышыжым!
Пален лийза, шарнен илза Морко ӱдырын койышыжым!
Койышыжым, койышыжым, Морко ӱдырын койышыжым!
Койышыжым, койышыжым, Морко ӱдырын койышыжым!

Кидшер
Шонымашым ешараш