Марий Элыште илыше пагалыме еҥ-влак!
Марий Эл Республикысе Правительстве да шке лӱмем дене тендам Россий кече дене саламлем!
Тиде ик эн тӱҥ кугыжаныш пайрем – икоян улмын да патриотизмын символжо. Таче ме Россий калыкын икоян улмыжым сайын шижына, элнан эртыше геройло илышыже, тӱвыра поянлыкше да кызытсе кӱлешан сеҥымаш-влак дене кугешнена.
Российыште илыше-влак Шочмо эл верч чыла жапыште тыршен пашам ыштеныт, тудым вияҥдымашке да тӱзатымашке уло вийыштым пыштеныт. Лӱдыкшӧ лекме годым, ик минутымат кокытеланыде, Шочмо элым аралаш шогалыныт, тудын волгыдо ончыкылыкшым лишемдаш полшеныт.
Марий Элын ятыр шочшыжо шке лӱмжым сеҥымаш-влак историйышке эрелан возен. Элна икмыняр ий гыч могай лиеш? Тидыже кызытсе тукымын пашаже, шинчымашыже, тыршымашыж дене кылдалтын. Ме йӱлам арален кодышаш, сеҥымаш-влакым шукемдышаш да йоча-влакым Шочмо элым йӧратышым, патриот-влакым ончен-куштышаш улына.
Ты пайрем кечын республикыште илыше-влаклан шонымашке да у сеҥымашке шуаш тыланем. Пиалым, пеҥгыде тазалыкым да улан илышым!
Марий Эл Республикым вуйлатыше А. Евстифеев