Марий Эл Республикыште илыше пагалыме еҥ-влак!
Марий Эл Республикын Кугыжаныш Погынжо тендам Россий кече дене саламла!
Ты пайрем Шочмо элнам йӧратымым да пагалымым, тудын кызытсе да
эртыше илышыже верч ответственностьым шижмым ончыкта. Тудо Шочмо эл, тудын тӱжемле историйже, тӱвыра да духовный поянлыкше дене кугешныше еҥ-влакым иктыш ушен шога.
1990 ий 12 июньышто элнан шуко национальностян еҥже-влак Россий Федерацийын кугыжаныш суверенитетше нерген декларацийым приниматленыт да у Российын шочмыжлан тӱҥалтышым ыштеныт, тугай кугыжанышлан, кудыжо демократий да чын федерализм принципеш негызлалтеш.
Элна талын вияҥже манын, таче илышышке национальный проектвлак шыҥдаралтыт. Ӱшанена, чыла кӱкшытан кучемын, бизнесын, еҥ, мер организаций-влакын пырля тыршымышт палемдыме шонымашке шуаш полша.
Марий Эл Республикын историйже ынде ятыр шӱдӧ ий Российын историйже дене чак кылдалтын, элнан социально-экономически да культурно
вияҥмашкыже шке надыржым пыштен шога.
Марий Элыште илыше пагалыме еҥ-влак! Тыланда чын, кӱлынак пашам ыштымыланда, айда-лийже огыл койышан улмыланда да гражданский ответственностьланда, изи элым уло чон дене йӧратымыланда тауштена. Тыланена тыланда тазалыкым, пиалым, еш ласкалыкым, тӱшка пӧртна – Россий – верч у сеҥымашым да поро пашам!
Марий Эл Республикын Кугыжаныш Погынжын председательже А.В.Смирнов