Марий Элыште кок модельный книгагудым 2022 ийыште почыт

Тений идалык мучаш марте эше ныл модельный книгагудо почылтшаш.

Республикыштына шушаш ийын кок модельный книгагудым почыт. У тукымын книгагудыжо- влак Оршанке да Советский районлаште омсаштым почшаш улыт. Оршанке районысо марий сылнымутын классикше Майоров-Шкетан лӱмеш рӱдӧ книгагудо ден Советскийысе Аркадий Крупняков лӱмеш рӱдӧ книгагудо 2022-шо ийыште «Тӱвыра» калыкле проект кышкарыште уэмдалтыт. Тиде пашалан федерал бюджет 20 миллион теҥгем ойыра. Тӧнежлаште олмыктымо паша ышталтеш, фондым уэмдат, у мебель ден оборудований налалтеш. У тукымын икымше книгагудыжо 2020-шо ийыште почылтын. Тений идалык мучаш марте эше ныл модельный книгагудо почылтшаш.

«Марий Эл» кугыжаныш телерадиокомпаний

Йолташ-влаклан палдараш
Кидшер
Шонымашым ешараш