Калыкыште ойлат: «Паша айдемым сӧрастара, а ура чонан еҥ кеч-могай пашамат ворандара». Компьютер лингвист, Коми Республикысе кугыжаныш службо да управлений академий пеленысе инноваций йылме технологий рӱдерын сотрудникше, мемнан поро йолташна, коллегына Андрей Валерьевич Чемышев таче, кудымшо июльышто шке шочмо кечыжым палемда. Тиде кечын тудым шуко йолташыже, коллегыже, палымыже да палыдымыжат саламлаш вашкат. Вет, чынже денак, поро чонан Шернур вел рвезе шочмо марий калыкшылан эре полша: кертмыж семын неле-йӧсым сеҥаш йӧным кычал муэш, марий калык нерген нигунамат огеш мондо. Каласен кодынем, «Кидшер» сайтлан негызым лач Андрей пыштен, тудын полшымыж дене ме пашам ыштена, те увер-влакым лудыда. Андрей Чемышев Шернур районын эргыже улеш. Паша корным «Марий Эл Радио»  гыч тӱҥалын. Варажым, Сыктывкар олашке пашам ышташ куснен. Кызыт Коми Республикысе кугыжаныш службо да управлений академий пеленысе инноваций йылме технологий рӱдерын сотрудникше улеш.
Андрейым сылне пайремже дене эше ик гана шокшын-шокшын саламлена, тыланена: пеҥгыде тазалыкым, волгыдо да яндар илыш корным,  пиалым, сеҥымашым да тек тыйын чыла онымашет шукталтеш. Андрей, умбакыжат марий калыклан ӱшанле эҥертыш лийын код!

“Кидшер” редакцийын коллективше!

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.