Слётышто сайлымаш кампаний кая!

Ушештарем, Параньга районысо Олор школ пелен Россий кӱкшытан VI марий самырыктукым слёт эрта. Тушенчын кажне кечын ме тыланда увер-влакым лудаш темена.
Мый нигунамат шоненам омыл избирательный комиссиийын еҥже лиям манын. А тений мылам, тиде слетышто пиал шыргыжалын. Мый сайлымаш комиссиийын членже улам! Тыште ме Алексей Очеевлан полышкалена, тудо сайлымаш комиссийнан председательже улеш.
Сайлымаш комиссий могай пашам ышта? Ме, тудын еҥже-влак, слётысо самырыктукым Парламентыш депутат-влакым сайлаш полшышо улына.
Депутатыш кандидатлан кажне лужа деч кум еҥ деч шуко огыл темлалтын. Чылаже жеребёвкым 10 еҥ эртен. Икымше лужа гыч — Еноктаева Марина, Шаймарданова Ирина, Астуганова Анастасия. Кокымшо лужа гыч — Искибаев Роман, Япеева Татьяна. Кумшо лужа гыч — Захаров Дмитрий, Иванова Вероника, Петухова Светлана. Нылымше лужа гыч: Никитин Василий, Сайфутдинова Ольга, Кушаков Алексей. Нуно пеш чолга, уста да мастар улыт. 
Кызыт слётышто сайлымаш кампаний моткоч талын кая. Кажне кандидатлан ме чытымашым да сеҥымашым тыланен кодына!

IMG_3808-.jpg

IMG_3781-.jpg

Автор: Анастасия Галиева; Фото: Мария Смирнова,
Самырык этножурналист школын еҥже-влак.
«Арслан» этнокультур интернет-журналын сайтше гыч налме материал

Кидшер
Шонымашым ешараш