Поро жапда лийже, самырык тукым!
Чаманен каласаш логалеш, кудымшо Россий кӱкшытан самырыктукым слёт мучашыш лишеме. Пӱтынь слёт политик шӱлыш дене эртыш, марий самырыктукымын тиде пашаште шкенжын вержым ужаш туныктыш да шуко у шинчымашым пуыш.
Слётышто лийме годым марий калыкын умбакыже вияҥаш чаракым ыштыше ситыдымаш палдырныш. Самырык-влак коклаште чын марий ешым чумыраш кӧргӧ шижмашым вияҥдаш кӱлеш. Тӱрлӧ кундемыште илыше марий-влакым ик ой дене иктеш ушаш тыршыман. Чыла тидым шотыш налын, Интернет йӧн лач лиеш. Самырыктукым, профессийым налын, ялысе илышланат кумылан лийже. Арамлан огыл калыкыште ой коштеш: «Пӱртӱс – марий калыкын шепкаже». Лывырге йылман, шке вийжым шижын моштышо самырык айдеме, кид вийым пыштен, пашам ыштен моштышо йолташыжым ончыко лукташ тыршышаш.
Мемнан пашанам эскерен, кугыжаныш кучемын тӱрлӧ аланыштыже тыршыше айдеме, самырык йӱкым колын, тудын шижмашыжым ужын моштен, умбакыже корным такырташ полшышаш. Тыге, шергакан йолташ-влак, уло чон ден йодына тендам марий йӱлам арален да нӧлтен шогаш, пырля чумырген, келшен илаш! Марий калык тунам виян лиеш, кунам тудо икте-весыжым колын мошта да полшаш кумылан лиеш. Пагалыме самырыктукым, марий ешым чумырыза, марий йӱла дене илыза да эре марий шӱлышан лийза.

VI марий самырыктукым слётын парламентше.
Тыгак “Арслан” сайтыште слёт нерген ятыр увер лектын

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.