«Марий юмынйӱла да пайрем-влак» книга нерген…

«Марий юмынйӱла да пайрем-влак» книга Шернур районысо «Марий кумалтыш» общинын 10 ияш лӱмгечыжлан пӧлеклалтын. Марий калык пайремым да юмынйӱлам жаплен шогышо-влак коклаште лачак Шернур районышто ик эн ончыч (2004 ийыште) «Марий кумалтыш» религийысе общине официал статусым налын. А 2005 ийыште тиде общиныштак Марий юмынйӱлам тамгажым пеҥгыдемдыме. Тиде тамга кызыт пӱтынь марий религийысе организаций-влакын символжо семын кучылталтеш.

Кугезе марий калыклан юмынйӱлажым арален да вияҥден шогашлан шагал огыл паша ышталтеш. Ты сомыл вораҥдарен колташлан верысе администраций да уло чон дене марий юмынйӱлам жаплыше поро кумылан кажне еҥ кугун полшен шогат. Кузе кугу теҥыз вӱд мландыкӧргӧ гыч йыргыктен лекше изи памашшинча гыч тӱҥалеш да моткоч кугу вийым, тыгак Шернур районысо «Марий кумалтыш» общинынанат паша саска пеледыш гай пеледалтын, тылзе гай нӧлталтын чевер кече гай волгалтын, илышыш шыҥдаралтын толеш да, мландысе пӱтынь марий калыкым поро шӱлыш дене авалтен, умбакыжат чын корно дене вияҥаш тӱҥалеш.

Шернур муниципал районысо администрацийын вуйлатышыже Н. С. Лебедевлан «Марий юмынйӱла да пайрем-влак» книгам савыктен лукташ полшымыжлан кугу таум ыштем.

Вячеслав Мамаев «Марий юмынйӱла да пайрем-влак» книган авторжо

Кидшер
Шонымашым ешараш