28 июльышто кумдан палыме марий мурызо Раисия Данилован М.Шкетан лӱмеш Марий кугыжаныш драме театрыште «Мурем гын — илем» юбилей касше эртыш.
Раисия Михайловна 1954 ий 28 июльышто Волжский районышто шочын-кушкын. 1971 ийыште Кугу Корамас кыдалаш школым вара 1975 ийыште Йошкар-Оласе И.С. Ключников-Палантай лÿмеш музыкальный училищым тунем пытарен. 1987 ийыште Н.К. Крупская лÿмеш марий пединститутын филологический факультетыштыже шинчымашым нӧлтен.
1975-1980 ийлаште Раисия Данилова Маргосфилармонийыште «Марий Эл» ансамбльын хорыштыжо артисткылан ыштен. Пытартыш коло вич ий Раисия Михайловна «Марий Эл» ГТРК-н радиовещаний службыштыжо тырша.
Раисия Данилован усталык касшым «Марий кундем» оркестр, «Марий памаш», «Эреҥер», «Чоткар тукым», «Ош виче сем» ансамбль-влак, Олег Логинов, Александр Егошин, Анна Османова, Николаевмыт, Каменщиковмыт еш да тулеч моло артист-влак сӧрастареныт. Тыгак, Раисия Михайловнам Марий Эл Республикын тÿвыра, печать, калык-влакын пашашт шотышто министрын икымше алмаштышыже Владимир Актанаев саламлаш толын ыле.
