31 июль гыч 4 август марте Венгрийыште «Финноугорий» тӱнямбал калык культур фестиваль эртаралтеш.
Россий гыч «Ухтинский сувенир» муро да куштышо калык (Коми Республик), «Умарина» мордва кугыжаныш мурышо да куштышо (Мордовий Республик) ансамбль-влак, «Илебц» ненец самодеятельный театр (Ненец автономный округ) каят. Марий Эл гыч кок коллектив: «Марий памаш» фольклор да этнографий калык ден «Морко кундем» вокал да семӱзгар ансамбль-влак мастарлыкыштым ончыкташ тӱҥалыт. 1 августышто Венгрийыште фестивальын тӱҥ ужашыже, финн-угор да самодий калык-влакын культурыштым арален кодымо, вияҥдыме йодышлан пӧлеклаште «йыргешке ӱстел» йыр мутланымаш да кугу концерт, лийыт. Чыла коллективат Венгрийысе Пече, Балатонлелле, Эгере, Дебрецене да Балатонфюреде олалаште концертым ончыкташ тӱҥалыт. 
Фестивальым Венгрийын социальный ресурс, РФ-ын Культур министерствышт, РФ-ын финн-угор культур рӱдерже, Финн-угор калык-влакын тӱнямбал конгрессышт эртараш полшат. Поро тӱҥалтышлан негызым Тӱнямбал культур да икусство рӱдерын генеральный директоржо, мурызо С.Емельянов (Коми Республикысе Ухта ола) ыштен.

Автор: Светлана Пехметова,
«Марий Эл» газетын финно-угор йодыш дене редакторжо.
Уверым газетын сайтше гыч налме

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.