Школ уш-акылым, поро да ӱшанле йолташым да икымше йӧратымашым пӧлекла. Но, чаманен каласаш логалеш, школ пагытат эртен кайыш, ынде студент илыш тӱҥале.
Кажне арнян мӧҥгӧ кудалышташ тыршем, но, кунам Ӱшнӱр кундемым эртен кудалам, чонем вургыжеш, шӱмем чотрак кыраш тӱҥалеш, эсогыл кидемат пӱжалтеш. А теве тиде каныш кечылан Ӱшнӱр школышкем пурен-лектамак манын шонышым. Шонымашем шукталте. Школ деке лишемме годым чонем куанен вургыжаш тӱҥале. Школ капка деке миен шуымат, окнаште тӱҥалтыш класслаште тунемше-влак шыргыжын ончат, омсам почын пурымеке, кугу уна семын вашлийыч. Варажым йӧратыме да пагалыме школ директор да туныктышем-влак деке куржын колтышым. Порын вашлийыч, кузе илымемым йодыштыч. А варажым ик туныктышо ойлыш: «Коля, оласе илыш дене йӧршынак вашталтын от ул», – тиде ойлан таум гына каласаш лиеш. Жап шагал улмылан кӧра мӧҥгӧ толаш вереште.
Кеч-кушкат каем гын, эре йӧратыме да пагалыме туныктышем-влакым шарнаш тӱҥалам. Кугу таум ойлынем Ӱшнӱр кыдалаш школын директоржо Валерий Фёдорович Галкинлан, Ӱшнӱр кыдалаш школын директорын алмаштышыже-влаклан: Антонина Васильевна Васильева да Елена Геннадьевна Муржаковалан, марий йылме да литературым туныктышо Зинаида Александровна Волковалан да моло школ пашаеҥ-влакланат кугу таум каласем.

Николай Любимов, Ӱшнӱркыдалашшколын 2014 ийысевыпускникше

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.