23.4 C
Йошкар-Ола

Конкурс: «Эн сай пьесе – 2015»

Марий Эл Республикын тÿвыра, печать да калык-влакын пашашт шотышто министерствыже да М.Шкетан лÿмеш Марий кугыжаныш драме театр черетан VII «Эн сай пьесе» республиканский конкурсым увертареныт.
Пьесе-влакым 2015 ий 3 сентябрь марте театрын приемныйышкыжо, сылнымут пöлкашкыже кондаш, але театрын адресше дене почто гоч колташ лиеш: Йошкар-Ола, Ленина лӱмеш проспект 2, М. Шкетан лÿмеш театр. Пьесым олык але курыкмарла йылме дене возаш лиеш. Пьесе шымле машинописный лаштык деч шуко лийшаш огыл (компьютер полшымо дене погымо лийшаш, кок экземплярым кондыман).
Конкурс «закрытый» лиеш: автор-влак пьесыште шке лÿмнерыштым огыт палдаре, а иктаж-могай шифрым але псевдонимым гына ончыктат. Ик авторак тÿрлö шолыплÿм дене икмыняр пьесым темлен кертеш. Конкурсыш пурышо паша-влакым министерствыште пеҥгыдемдыме жюри аклаш тÿҥалеш. Тушко лÿмлö режиссер, театровед, драматург, министерствын специалистше-влак пурат. Аклыме годым пьесын жанр ойыртемжым шуктымым, профессионализмым, произведенийын темыжым, идейжым, образ-влакым раш почмым, йылме понялыкым шотыш налаш тÿҥалыт.
Сеҥыше-влаклан ондакысе семынак ныл окса премий палемдалтыт:

  • I вер – 20 000 теҥге
  • II вер – 15 000 теҥге
  • III вер – 10 000 теҥге
  • Кумылаҥдыше премий – 7 000 теҥге.

Налме вер: shketan.ru

Тыгак лудса

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

spot_img

Увер йогын

Кызыт лудыт