Сылнымутыш толмо корно кажне возышын шкенжын. Иктыже изи годсекак лирикын але эпикын юзо шӱлышыжым шижын шога, уш каен книга тӱняш пурен шогалеш да тушеч лекташ ок вашке, весе гын ваче ӱмбак ийготым пышытымек творчестве шӱлыш дене таҥлалтеш, кумшо илыш тамым сайын тамлен налмек возаш тӱҥалеш.
У Торъял районеш шочын-кушшо Татьяна Соловьевам икымше тӱшкашке пуртыман. Ӱдыр изиж годсек поэзий тамым «налын» шуктен. Тудо 1982 ийыште Пактек лӱман ялыште шочын. У Торъял да Токтарсола школлаште шинчымашым поген. Школыштак возаш тӱҥалын, эше тӱҥалтыш класлаште. Шкеже гын 1997 ийыште «Марий Эл» газетеш савыкталтше «Ош куэ» почеламутшым дебютшылан шотла.
А 15 октябрьыште Марий кугыжаныш университетыште Татьяна Соловьёван (Светлакован) литератур-музык касыже эртен. Поэтессе тиде касым шке сылнымут да муро усталыкшылан пӧлеклен. Каласен кодыман, Татьяна «Мый тымыкын улам саскаже» кокымшо книгаже нерген палдарен. Палемдем, тиде книгам «Кидшер» этнокультурный сайтыште лудаш лиеш. Касым марий эстраде мурызо, артист да самырык возышо-влак сӧрастарышт. Эртыше кас гычын фото да видео материал-влакым ончалаш темлена.

Фото: Пётр Васильев

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.