-1 C
Йошкар-Ола

Татьяна Шашкова – «Звёздная Академия» проектыште!

1 май гыч Уфаште Башкортостан президентын грантшылан кӧра самырык исполнитель-влаклан «Звёздная Академия» музык да хореографий проект илышыш шыҥдаралташ тӱҥалын.
Грантым сеҥен налшаш верч кучедалмашке 27 конкурсант ушнет. Нунын коклаште МарГУ-со Калыкле тӱвыра да тӱвыра кокласе кыл институтын студенткыже Татьяна Шашкова лийын. Тудо самырык-влакын «iВолга – 2014» форумышт жапыште «Голос» конкурсышто сеҥен. Августышто тудым Пошкырт кундемысе ик каныме базышкеарнялан мастер-классыш ӱжыныт.  Тушто нунылан хореографий, вокал, актёр мастарлык, финтес, психологий дене занятий-влакым эртареныт.
Кызыт ончыкылык «шӱдыр-влак» гала-концертлан ямдылалтыт. Проектыште Татьяна сай могырым ойыртемалтын, сеҥыше-влак радамышке логалын. Тудын дене шке творческий проектыштым возымо шумлык ойпидышым пеҥгыдемденыт. Татьяна 1-ше декабрьыште Уфаште «АРТ Квадрат» федерал проектын полшымыж дене эртышаш гала-концертыште шке мастарлыкшым ончыкта.

Автор: Леонид Гимаев

Читайте также

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

Увер йогын

Кызыт лудыт